ദാരിദ്ര്യ ദഹന ശിവ സ്തോത്രം (Daridrya Dahana Shiva Stotram) | #Stotram



ശിവായ നമഃ ||

ദാരിദ്ര്യദഹനശിവസ്തോത്രം

വിശ്വേശ്വരായ നരകാര്ണവതാരണായ കര്ണാമൃതായ ശശിശേഖരധാരണായ |
കര്പൂരകാന്തിധവളായ ജടാധരായ ദാരിദ്ര്യദുഃഖദഹനായ നമഃ ശിവായ ||൧||

ഗൗരിപ്രിയായ രജനീശകലാധരായ കാലാന്തകായ ഭുജഗാധിപകങ്കണായ |
ഗംഗാധരായ ഗജരാജവിമര്ദനായ ദാരിദ്ര്യദുഃഖദഹനായ നമഃ ശിവായ ||൨||

ഭക്തിപ്രിയായ ഭയരോഗഭയാപഹായ ഉഗ്രായ ദുര്ഗഭവസാഗരതാരണായ |
ജ്യോതിര്മയായ ഗുണനാമസുനൃത്യകായ ദാരിദ്ര്യദുഃഖദഹനായ നമഃ ശിവായ ||൩||

ചര്മാംബരായ ശവഭസ്മവിലേപനായ ഭാലേക്ഷണായ മണികുണ്ഡലമണ്ഡിതായ |
മഞ്ജീരപാദയുഗളായ ജടാധരായ ദാരിദ്ര്യദുഃഖദഹനായ നമഃ ശിവായ ||൪||

പഞ്ചാനനായ ഫണിരാജവിഭൂഷണായ ഹേമാംശുകായ ഭുവനത്രയമണ്ഡിതായ |
ആനന്ദഭൂമിവരദായ തമോമയായ ദാരിദ്ര്യദുഃഖദഹനായ നമഃ ശിവായ || ൫||

ഭാനുപ്രിയായ ഭവസാഗരതാരണായ കാലാന്തകായ കമലാസനപൂജിതായ |
നേത്രത്രയായ ശുഭലക്ഷണലക്ഷിതായ ദാരിദ്ര്യദുഃഖദഹനായ നമഃ ശിവായ ||൬||

രാമപ്രിയായ രഘുനാഥവരപ്രദായ നാഗപ്രിയായ നരകാര്ണവ താരണായ |
പുണ്യേഷു പുണ്യഭരിതായ സുരാര്ചിതായ ദാരിദ്ര്യദുഃഖദഹനായ നമഃ ശിവായ ||൭||

മുക്തേശ്വരായ ഫലദായ ഗണേശ്വരായ ഗീതപ്രിയായ വൃഷഭേശ്വരവാഹനായ |
മാതംഗചര്മവസനായ മഹേശ്വരായ ദാരിദ്ര്യദുഃഖദഹനായ നമഃ ശിവായ ||൮||

വസിഷ്ഠേന കൃതം സ്തോത്രം സര്വരോഗനിവാരണം |
സര്വസംപത്കരം ശീഘ്രം പുത്രപൗത്രാദിവര്ധനം |
ത്രിസന്ധ്യം യഃ പഠേന്നിത്യം സ ഹി സ്വര്ഗമവാപ്നുയാത് ||൯||

ഇതി ശ്രീവസിഷ്ഠവിരചിതം ദാരിദ്ര്യദഹനശിവസ്തോത്രം സംപൂര്ണം ||



#Malayalam-Stotram #Daridrya-Stotram #Malayalam-Bhakthi-Songs-Lyrics #Malayalam-Devotional-Songs-Lyrics